حسين عبدالغني (قصة أبو قذيلة شبيه .... ياحليله) احذر جمهور القناص

[كابتن الجيلين]

بسم الله الرحمن الرحيم
رسالة موجهه الى اللاعب حسين عبد الغني
أولا تهنئة بالقصة الجديدة (قصة .. أبو قذيلة شبيه .... ياحليلة)
ثانيا : لتعلم ياأخ حسين عبد الغني أن لسانك حصانك ان خنته خانك.
ثالثا: ان اي تهجم على جمهور القناص هو تهجم على القناص نفسه .وان اي تهجم على القناص هو تهجم على جمهوره .
رابعا: من الأجدر أن تهتم بمستواك قبل أن تعلق على مستوى الاخرين ؟
خامسا: اذا كونت لك جمهر بمستوى جمهور القناص وهذا شيء مستحيل طبعا .فانقد جمهوره وعلى حسب ماصرحت يأن جمهور القناص (جمهور مراهق )كون لك بالأول قاعده جماهيرية ثم يحق لك نقد جمهور غيرك .
سادسا : يابوقذيلة البيته من قزاز مايرمي الناس بالطوب.
سابعا: احذر من جمهور القناص فجمهوره لايعد ولا يحصى . فراجع نفسك وحاسبها قبل ان ينفضح امرك وتصبح مسخره. لأن جمهور القناص يستطيع ان يجد عليك عدة مداخل فالأجدر لك أن تحصن لسانك والأهم أن تقدم اعتذارك لجمهوره حتى يصفح عنك . وعفى الله عما سلف. حت لاينطبق عليك مثل (( اللي مايطول العنب حامض عنه يقول )).
ملاحظة : المقال لايمثل وجهة نظر القناص وانما كاتبها وجمهوره .
(( سبحانك اللهم وبحمدك اشهد ان لااله الا انت استغفركواتوب اليك )).
تحياتي
كابتن الجيلين

[Yasser 20]

عوافـــي ياكابتن .....


واسمح لي من خلال هالرد اكرر اعجابي بروائــع قلمـــك

ودامك من جمهـور ياســــــــر فما على ابو سعيد " خــــوف "

لذلك القافله تسير وشـــلة الحاقدين ........ ;)

تحياتي

[زعيم هلالي]

حسين عبدالغني ماغيره؟


صراحة كنت ومازلت احترم هذا اللاعب الكبير في كل شيئ لكن معقولة يطلع هذا التصريح منه؟


وان كان صحيح كلامه فهو تعدى على ياسر وعلى جمهوره وعلى الهلال كله..!!


لاتعليق صراحة وآخر من كنت اتوقعه يقول هالتصريح حسين عبدالغني..!!

[ن ع م 090]

اخوي كابتن الجيلين السلام عليكم ورحمة الله وبركاته ،،،

بس ياليت توضح اكثر ،، هل هو تصريح له في وسائل الاعلام ، او لقاء تلفزيوني معه ،، أو ....... الخ )

علشان ما نظلم احد في الموضوع ولا كلامك مصدق به ومعترف ،،،

اما اذا كان حسين قايلها فعلاً فهو بصراحه في الاصل سلوكه همجي سواءً في الملعب او خارجه عند حديثه مع وسائل

الاعلام بعد كل مباراه ومواقفه كثيره ،،،

وطبعاً الأساءه لقناصنا يعتبر اساءه لنا ،،،

واقول (( مسكين خلوه يقول اللي يقوله ،،، خلاص ياقناصينا قلبي ماعاد يقدر يطوله

كنت جاهل واسمع له بسهوله ،،، واليوم كشفت لعبه ،، اللي يبيه ماينوله

ابجازيه غدر وكذب وانتم عدوله،،، كم مقلب ابشربه وبالنهايه صبروله

لاجاني يعتذر قوموا وصفقوله ،،، وقولوله وحده بوحده من زمان مقيوله )))

تحياتي لك ،،،،

[منتـــــ الود ـــهى]

:eek: معقوووول حسين عبدالغني يقول هالكلام ......... :eek:
ما اصدق متى وكيف ووين علموني ....... :eek: :eek: :eek:
اروح اشوف وش اللي خلاه يقول هالكلام...... :mad: :mad:

[y-20]

كبير يا كابتن.....مع اروع الاقلام

[حالــي الــذوق]

ياخوي انا مدري ليه هالعالم تفكيرهم دونــي جـــدا ............

لكن وش ترجــي من واحد حقود حســود مغرور ... الا يعلم ان الغرور مقبره...

كفيت ووفيت اخي الكريم على حسن الرد

[القناص]

استغرب الكلام اللي طلع من حسين عبدالغني ...

ولكن مانقول

اذا اتتك المذمه من ناقص ...فهي الشهادة باني كامل ..

[علاء الجحدلي]

يا هلا والله بكاتب الجيلين

بس يا ليت توضح وين لقيت التصريح على قول أخوي ن ع م 0 9 0


ولك خالص الشكر / علاء الجحدلي

[رغده]

حسين عبد الغني يقووووول كذاا ليش لا كل شي بهالزمن يصييير

الله يعطيك العافيه اخوي كابتتن الجيلين

[صقر نجد]

يعطيك العاافيه
كابتن الجيلين

يعطيك العااافيه

بس والله غريبه على حسين عبد الغني يقول هذا الكلام

[آزهلها]

غريبــه من حـسين عبـدالغنـي ..


ولـكن .. يا زمـان العجـايب .. وش بقـى ما سـويت ,,

[بنت القحطاني]

والله هذا حسين عبد الغني اعتقد انة بيرجع للاعلام بعد ماغاب عنه (لان الضوء مو علية اللحين راح وقتة)

مالقى غير جماهير القناص ..وماادراك ماجماهير القناص؟؟؟

طيب والله اللي يشوف حسن عبد الغني يقول عنة خلوق وهادي غريبـــــة والله يطلع منة ذا الكلام..

مشكوور يااخ كابتن الجيلين..

[RAKOOON-الهلالي]

مشكور أخوي كابتن الجيلين وتسلم يديك

غريبــه من حـسين عبـدالغنـي ..



وشكرا

[احبه موووت]

وين صرح ومتى

[القـ الهلال ـناص]

غريـــــــــــــــــــبه من حســـين..


ومانقووووول الا القافله تســـير و................,

أشكرك ياكابتن..

[cuteee]

افاااااا ياحسيـــن انت تقول كذا أجل ايش خليــت للصغــار ...

بس على قولتهم :(( اللي مايطول العنب حامض عنه يقول )).


احذر من جمهور القناص فجمهوره لايعد ولا يحصى ....


اذا اتتك المذمه من ناقص ...فهي الشهادة باني كامل ..

[نوووف]

وجع ان شالله............

خيييييييير يقووول هالكلام

لا.....لا انا ما ارضى....<<<< وش بتسويين يعني.....

لا بجد لو انه قايل هالكلام

فان ما عنده ما عند جدتي ومنقهر لان
هو طالع من سند جدي.......
وياسر توه طالع
وياااسر (( بالطبع ))
له جمهووور اكثر منه ((((ابو قذيله......ههههههاي))

نويفه

[مــ؟؟ــحــ؟؟ــمــ؟؟ــد]

اقول ياكابتن الجيلين انت والشباب الاخوان والاخوات

اشوفكم هاجمتو الكابتن حسين وانت اصلا ماحطيت المصدر ولا تاكدت منه وكلكم تسبون

ونسيتو انه احسن لاعب بالسعوديه والدليل اخذوه لنجوم العالم

ياخي استح شوي هذا قائد المنتخب

وااللي كتبو الردود الامعات على طول يسبون حتى ماتاكدو من الكلام ..... توقعت انكم اكبر من كذا

في الفتره الاخيرا بدا على جماهير الهلال الحقد والديلي منتدى الزعيم كلهم يقولون نسجع العين في النهائي

اي حقد هذا ياخي اخرتكم سعوديين والاتحاد سعودي عيب والله عيب وين الوطنيه

صار الجمهور الهلالي يهاجم كل الجماهير مادري وش يبون

تاكد مره ثانيه وبعدين أكتب الموضوع .



...........................


:: يا ليـت تعـدل آسلـوبك .. ولا تتدخـل في مواضيـع ليس لا شغـل بالموضـوع ::


:: حرر من قِبل آزهلها ::

[زعيم هلالي]

عدت مرة اخرى واتمنى المصدر اخوي كابتن الجبلين على الاقل تكون لك حجة وتبري ذمتك:)



اخوي محمد ردك صراحة ماتوقعته للاسف قمت تجرّح بالهلاليين كله والمصيبة انك اهلاوي ومستغرب الكلام اللي طلع منك..!!


اقول ياكابتن الجيلين انت والشباب الاخوان والاخوات

اشوفكم هاجمتو الكابتن حسين وانت اصلا ماحطيت المصدر ولا تاكدت منه وكلكم تسبون

فعلا المصدر مطلوب وكان المفروض على الاخوان التحلّي بالاخلاق للي ردوا وبعض كلامهم ماله سنع صراحة على لاعب دولي كبير مثل ابو عمر:)



ونسيتو انه احسن لاعب بالسعوديه والدليل اخذوه لنجوم العالم ولا اخذو احد من الفنانين اللي عندكم

والا لعيبتكم ماهم فنانين الا على الطائي والجبلين خخ

لو تشوف في الزعيم اللي هاجمته في السطور الاخرى راح تشوف كيف فرحنا لابو عمر من كل قلبنا:)


واشوفك تتهجّم على اللاعبين الهلاليين كلهم والله لو انك تشوف سامي الجابر او ياسر اونواف التمياط هم اللي ردوا على الموضوع علشان تهاجمهم وبعدين مايحتاج اعلمك مين لاعبين الزعيم يكفي انهم خذوا الكاس الاخير ضدكم وماراح اعدد البطولات لاني عندها ماراح اخلص:)

وااللي كتبو الردود الامعات على طول يسبون حتى ماتاكدو من الكلام ..... توقعت انكم اكبر من كذا

انت هنا عممت ولو انك شفت ردي ورد بعض الاخوان ماشفت فيه سب مع ان بعض الاغلبية ردودهم صراحة مش ولا بد وغير مبنية على شيئ صحيح او مؤكد مع احترامي الكبير لكابتن الجبلين وقلمه لكن لو جاء بالمصدر كان افضل:)


في الفتره الاخيرا بدا على جماهير الهلال الحقد والديلي منتدى الزعيم كلهم يقولون نسجع العين في النهائي

اي حقد هذا ياخي اخرتكم سعوديين والاتحاد سعودي عيب والله عيب وين الوطنيه

والله اللي يسوونه الاتحاديين في كل شيئ هلالي مو هيّن لكن برضو مو سبب اني اشجع العين ضد فريق سعودي وهذي وجهة نظري على الاقل نادي الاتحاد السعودي

وامّا حقد للمرة الثانية تعمّم على جميع الهلاليين اللي لو تدقق في الردود راح تلقى ان الاغلبية يتمنون فوز الاتحاد وما اعتقد ان موقف الاتحاديين من مشاركات الهلال الخارجية غائب عن ذهنك كونك اهلاوي يعني كلامك للاسف جارح خليتنا حاقدين وجردتنا من الوطنية

اجيب لك بعض ( الحقد ) من منتدياتكم الاهلاوية ضد الهلال وسامي؟

احب ابيّن لك نقطة ان النادي الثاني اللي اشجعه بعد الهلال هو الاهلي وهذا من فترة طويلة جدا فوق العشر سنوات ولو كل ماسمعت كلمة مسيئة للهلال او اي شيئ هلالي من مشجّع اهلاوي كان تشوف اكثر نادي حاقد عليه الاهلي لكني اعرف بعض العقليات وليس كل من كتب فهو كاتب وبعض اللي يكتبون اطفال يعني آخذهم على قد عقولهم وجماهير الاهلي معروف عنه الرقيّ لكن ردك خيّب ظنّي وماراح يأثر مكانة الاهلي عندي سواء من ردك او من رد غيرك من الذين يتهجمون على الهلال:)

صار الجمهور الهلالي يهاجم كل الجماهير مادري وش يبون

هههههههههههههههههههههههه

معليش بس ماتمالكت نفسي من الضحك لكن ودّي ابيّن لك نقطة اتحدى اي احد ينكرها:

الجمهور الرياضي في السعودية قسمين قسم هلالي وقسم ضد اي شيئ فيه هلال وماراح تلقى اي نادي مايكره الهلال او يحقد عليه لان الناجح دائما محارب وان ( كنت ) سابقا مستبعد الاهلي من هذه القاعدة لكن ردّك صراحة يخلّي الواحد يفكّر الف مرة خاصة انه جاء منك يامحمد واعرف اخلاقك واسلوبك وان كنت لاتعرفني لكني متابع لمواضيعك وردودك يعني ياليت هالكلام اللي قريته منك يُعتبر لحظة غضب لان الكلام الموجود ليس باخلاقك فأنت اكبر من هذا الكلام:) وهذا علاء الجحدلي اهلاوي مثلك واعرفه من زمان وماعمري شفته يسب في الهلال او الهلاليين مثل كلامك اللي يضيّق الصدر وطلب المصدر كما طالبت انا وانت به من خلال ردي لكن اخوي ما ارضى احد يتكلم عن الهلال كما انك لاترضى بان يتكلم احد على الاهلي وان بغيت الصدق انا نفسي ما ارضى على الاهلي:)


سلامي لك يالغالي وياليت تراجع نفسك من خلال ردّك:)

[مــ؟؟ــحــ؟؟ــمــ؟؟ــد]

هلا فيك يالزعيم الهلالي

اول شي اشكرك على اسلوبك الراقي في الرد ويمكن يكون دبلوماسي المهم انه شي اعتدناه منك والكامل وجه الله

وزي ماقلت انت انها لحظة غضب بس مااتراجع عن كثير من كلامي واذا عشاني تكلمت على جماهير الهلال ياخي شوف الردود

من الهلاليين مع ان ولا واحد يدري وين المصدر ولا حتى لمح باي شي الاخ كابتن الجيلين اللهم انه قال الكابتن حسين وبدا يهاجم

وطالع الردود زين وشوف كلامهم واتوقع ان واحد كاتب القافله تسير والـ.... ؟؟ وهذا ماتعتبره انت غلط ابدا والاخ ازهلها اللي توقعته

اكبر من كذا هاجم ولا سأل عن المصدر

على العموم انا كم مره قلت اني لو ماكنت مشجع هلالي بس ماني حاقد ابدا وفي البطولات الخارجيه اشجعه واشجع اي نادي

سعودي يمثلنا وماانقص من قيمه الكابتن سامي ولا الكابتن نواف ولا قناصنا اللي دخلنا هالمنتديات عشانهم

واللي يثبت كلامي اني قلت بالكلام اني لاحظت بمنتدى الزعيم وهذا يدل على اني متواجد دايم فيه وماتوقع واحد حاقد على الهلال

بتلقاه دايم في منتدياته...

على العموم

انا ماطول عليك يااخ زعيم وياليت الاخوان اللي هاجمو يكونون زعماء مثلك بتعاملهم ويتعلمون انهم مايهاجمون اي احد قبل

التاكد من المصدر وان شاء الله ماحد يزعل من الحق ..

[زعيم هلالي]

هلا فيك يالزعيم الهلالي

هلا بك محمد:)


اول شي اشكرك على اسلوبك الراقي في الرد ويمكن يكون دبلوماسي المهم انه شي اعتدناه منك والكامل وجه الله

الله يسلمك وشهادتي فيك مجروحة وهذا سبب استنكاري لردك الاول لكن مثل ماقلت لحظة غضب:)

وزي ماقلت انت انها لحظة غضب بس مااتراجع عن كثير من كلامي واذا عشاني تكلمت على جماهير الهلال ياخي شوف الردود

من الهلاليين مع ان ولا واحد يدري وين المصدر ولا حتى لمح باي شي الاخ كابتن الجيلين اللهم انه قال الكابتن حسين وبدا يهاجم

وطالع الردود زين وشوف كلامهم واتوقع ان واحد كاتب القافله تسير والـ.... ؟؟ وهذا ماتعتبره انت غلط ابدا والاخ ازهلها اللي توقعته

اكبر من كذا هاجم ولا سأل عن المصدر

مسألة التراجع من عدمه تعود اليك ولا اقول كل كلامك خاطئ لكن اغلبه او معظمه وكان الشيئ الصحيح اللي ذكرته السؤال عن المصدر وكلامك عن ابو عمر:)

اما اللي ردوا صراحة اغلب اللي ردوا ردودهم تبيض الوجه وراح اذكر بعض الامثلة اخوي وآزهلها مو شرط يكون على صواب على الدوام ممكن نسى او غلط وهذا لايخلو من اي انسان:)


على العموم انا كم مره قلت اني لو ماكنت مشجع هلالي بس ماني حاقد ابدا وفي البطولات الخارجيه اشجعه واشجع اي نادي

سعودي يمثلنا وماانقص من قيمه الكابتن سامي ولا الكابتن نواف ولا قناصنا اللي دخلنا هالمنتديات عشانهم

هذا المفروض يصير لكن مافي جمهور كامل وانا عارف هالنقطة تماما
واللي يثبت كلامي اني قلت بالكلام اني لاحظت بمنتدى الزعيم وهذا يدل على اني متواجد دايم فيه وماتوقع واحد حاقد على الهلال

بتلقاه دايم في منتدياته...

منتدى الزعيم من اكبر المواقع العربية ان لم يكن اكبرها النصراوي والاتحادي اللي هم خصوم الفريق متواجدين او متابعين له وكثير حاقدين على الهلال ومتواجدين فيه ولا بعد مسجلين فيه يسمون بالمندسين وهذا ينطبق على جميع المنتديات الرياضية لدرجة ان بعضهم يكره بعض الفرق اكثر من حبه لناديه وانت محشوم عن الكلام اللي ذكرته لكن حبيت ابيّن لك هذه الحقيقة وعارف طيب اصلك ومعدنك:)


على العموم

انا ماطول عليك يااخ زعيم وياليت الاخوان اللي هاجمو يكونون زعماء مثلك بتعاملهم ويتعلمون انهم مايهاجمون اي احد قبل

التاكد من المصدر وان شاء الله ماحد يزعل من الحق ..

حياك الله ومافي زعل ان شاء الله والكل يتقبل وجهة نظر الآخر:)

حسين عبد الغني يقووووول كذاا ليش لا كل شي بهالزمن يصييير

الله يعطيك العافيه اخوي كابتتن الجيلين


شوف استنكرت ان هذا الكلام يطلع من حسين لانها تعرف انه كبير:)

يعطيك العاافيه
كابتن الجيلين

يعطيك العااافيه

بس والله غريبه على حسين عبد الغني يقول هذا الكلام


وصقر هو الثاني استغرب هذا الكلام من حسين:)

غريبــه من حـسين عبـدالغنـي ..


ولـكن .. يا زمـان العجـايب .. وش بقـى ما سـويت ,,


وهذا رد آزهلها استغرب هو الآخر انها تطلع من ابو عمر وآخر سطر من الحرقة ولحد يسألني عن مدى حب آزهلها لياسر :)


مشكور أخوي كابتن الجيلين وتسلم يديك

غريبــه من حـسين عبـدالغنـي ..



وشكرا

وهذا الآخر استنكر:)

وين صرح ومتى

ايضا نفس الكلام استنكار:)


وفي بعض الردود ماتستاهل اني اقتبس منها صراحة اما لحظة غضب او بلاهة لا اعلم بالضبط لكن يجب التروي عند مثل هالاخبار ودقق باسماء اللي سبوا حسين وتعرف وش اقصد والكل يدري عن مقابلة ياسر مع الجريدة ووضحت ادارتنا الغالية ان الحوار مكذوب وهو مع جريدة لها اسمها في الشارع الرياضي ومو بعيدة يكون الخبر من جريدة كاذبة ونقل منها الاخ كابتن الجبلين بحسن نية والخبر يصير مكذوب كل شيئ جايز في عالم الصحافة لكثرة من خان الامانة..!!

ولا تسأل الهلاليين عن مكانة حسين عندهم تراه بالقلب محفوظ:)

فرصة سعيدة معك اخوي محمد:)

[معشوقة القناص]

(شوفكم هاجمتو الكابتن حسين وانت اصلا ماحطيت المصدر ولا تاكدت منه وكلكم تسبون )

سراحه انت صادق يا محمد لابد من التأكد وكان الكلام صدق الله يهديه ويصبر الكابتن ياسر على اللي جايه من أعدائه

[قحطاني وافتخر]

دعــــــــــــــــــــــوا الحاقدين ينبحون والقناصـــــــــــــــــــــــــــــــين يواصلـــــــــــــــــــــــون

[[ Ĺόǿdỳ © ]]

لا تعليييييييييييييييييييييق ,,,,,
الصراحه ماتوقعت يطلع هالكلام من حسين ..

[القناص]

الاخ كابتن الجيلين نقل لكم الموضوع

وبصراحه لانشكك في مصداقيه شخص حنا وضعناه ونثق فيه

ولكن اعتقد ان التصريح وصلكم وعرفتوه تمام !!
ولا راح نحتاج نفتح الموضوع اكثر من كذا

لوجود ردود تستتدعي اغلاق الموضوع

واتمنى هالردود ماتستمر بين الاعضاء
ويحدث مثل الشجار بينهم